Tag Archives: Tamil Poems

கனவு

துன்பமில்லா உலகில் பயணிக்க ஒரே வாய்ப்பு..
பலருக்கு நிஜ வாழ்வே கனவு..

சிலருக்குக் கனவுலகு மட்டுமே நிஜம்.

நித்திரையில் உன்னைக் கட்டிப்போடும் மயக்கம்..

பூமியை வெறுத்தவனுக்கு உடனடி சொர்க்கம்!

பார்த்து சலித்த உலகினிலிருந்து சிறு விடுதலை.

அங்கேயே வைத்துக்கொள் என்னை எனக் கெஞ்சினேன்..

அதற்கும் உள்ளமில்லை.. பாதியில் எழுப்பிவிட்டது!

உண்மை போல நினைக்க வைத்துப் பொய்தானென்றது..

ஏனிந்த வஞ்சனை? இன்பம் நிலைக்காதோ என்றேன்..

பல ஊர் பல நாடெனக் கனாக் கண்டேன்..

அடுத்த வேளை உணவுக்கும் கனவே முதலீடாய்!

Advertisements

கவிஞன்

தன்னை மறந்து உயரப் பறந்து..

விண்ணை நினைந்து மண்ணை அடைவான்.

பேனா எடுத்தால் ஞானி என்ற இறுமாப்பு!

திடீரென எழுதுகோல் எரிமலையாய் வெடிக்கும்..

அடுத்த நிமிடம் குழந்தையின் அழகு பாடும்.

இலக்கணங்களை உருவாக்கிப் பின் அவனே உடைப்பான்..

இவனுக்கு வருமானம் பெரிதாய்க் கிடையாது..

மொழியை மணந்தவனுக்கு வருமானம் பெரிதும் கிடையாது!

ஒவ்வொரு மொழியும் முதலில் தழுவுவது இவனை..

அக்காதலுக்காக எதையும் செய்யத் துணிந்தவனும் இவனே!

அம்மொழி இவனுக்களித்த மிகப்பெரும் பரிசுதானென்ன?

‘கவிஞன்’ என்ற அந்த ஒற்றைச்சொல் தான்!​