Tag Archives: Love

Being a Girl in Social Media is NOT EASY!

Gone are the days when people used to talk and exchange their feelings directly to each other. Now that everything has become digital, the influence of social media is immense on human interaction. Whatever the form it takes, the craze for boys and girls on each other is unstoppable. They get adapted to every new technology quickly and show their love(?) in the best updated version possible.

Once after facebook became our breakfast, lunch and dinner, the link between unknowns has grown to a different level. Comparatively, to be honest, boys love to spend their time in talking to girls for a major part of their day without getting bored or tired whereas it is not the same case with girls (or we are yet to understand them fully). In the recent years, it is facebook that binds relationships together and as we all know, chatting with people who we like is unavoidable even if we don’t wish. An usual complaint from boys on girls is that they fail to respond to their messages either quickly or totally, be it in Facebook or WhatsApp. 

I myself had the same feel before I viewed the reality. One of my best friends (a girl) had to encounter a tough phase with a guy few months back. He tortured her, threatened her with the age old request, to love him back. She refused and that’s how the request became a threat. She sought my help to deal with it and was decoding all his facebook messages to me after which I would tell her​ how/what to respond. This was continuing for few hours after which she got exhausted and gave me her facebook password to read all his messages from the beginning myself and give her a solution. Since my duty was to get into her inbox for this purpose (otherwise its a criminal offense, mind it!), I just entered it.

Though I know a little about this being a boy, what I saw that day was really shocking. There were hundreds of unread messages in her inbox in which most of them said a “Hii” to her, some of them conveyed their admirations towards her beauty, some of them pleaded her for a single reply and few of them talked with vulgarity. That was the time when I actually realised a girl’s practical difficulties in handling social media. She would be called arrogant if she doesn’t reply. She would be called a slut if she replies everyone. So what’s the best way out for her? Yes, there would have definitely been some really decent and genuine guys out of those hundred. But how can she decide, from such large numbers, on who is good and who is bad? It was a moment of enlightenment, which may, as an example, help us to stop judging a girl with just her chats and replies and understand the fact that her real character and feelings are beyond all these.

Yes.. Being a Girl (in Social Media) is NOT EASY!


திகட்டாத உறவுகள்!


ஒரு குறிப்பிட்ட காலம் வரை இனிக்கும் உறவுகள் அதன் பின் கசந்து விடக் காரணம் என்ன? நீண்ட நாட்களாக என்னை உறுத்திக் கொண்டிருக்கும் கேள்வி இது. அதிகமாக அதை நேரில் கண்டு கொண்டிருப்பதால் கூட இருக்கலாம். காதலுக்கு மட்டும் தான் நாளடைவில் இந்த மாற்றம் நிகழும் என்பார்கள். ஆனால் அனைத்து உறவுகளுக்குமே இவ்வாறு நடப்பது என்னை நிறைய யோசிக்க வைக்கிறது. ஏன் இவர்களால் உறவுகளை நீட்டிக்க முடிவதில்லை?

புதியதாய் எதையாவது கண்டுபிடித்து, புதிதாய்ப் பார்த்து, புதுமையாய் வாழ்வதே இன்றைய உலகுக்கு மிகவும் பிடித்த வாழ்க்கை. உறவுகள் என்றாலே ஆரம்பத்தில் தான் புதிது. நாட்கள் செல்லச் செல்லப் பழையதாகி விடும். இதில் வேடிக்கை என்னவென்றால் உறவுகள் மட்டும் பழையது ஆகாமல் அவர்கள் மீது வைத்த அன்பின் அளவும் குறைந்து விடுவது தான். Its Boring, let me try someother என்று வீடியோ கேம்களுக்கு வேண்டுமானால் சொல்லலாம், வீட்டு உறவுகளுக்குச் சொல்லலாமோ? பணத்தை எதிர்பார்க்காமல் நமக்குக் கொடுக்கப்பட்டுக்கொண்டே இருப்பது அன்பு மட்டும் தான். ஆனால் பணம் கொடுத்து வாங்கும் விஷயங்களுக்கு நாம் கொடுக்கும் மரியாதை இலவசமாக அன்பு செலுத்துபவர்களுக்குத் தரப்படுவதில்லை. மரியாதை என்பதை விட முக்கியத்துவம் என்று தான் சொல்ல வேண்டும். நம்மை மதிக்காதவர்கள் மீது தேடித் தேடிச் சென்று அன்பைப் பொழியும் நாம் நம் அருகில் இருப்பவர்களைக் கண்டுகொள்வதே இல்லை. தூரத்தில் இருந்தால் சர்க்கரை என்றும் அருகில் இருந்தால் மிளகாய் என்றும் நமக்கு நாமே தீர்மானித்துக் கொண்டோம். கூடவே இருப்பவர்களைக் கண்டால் ஏனோ பிடிக்காமல் போகிறது. அவர்கள் என்ன தவறு செய்தார்கள் என்ற கேள்விக்கும் பதிலில்லை. அதிகமான அன்பு இப்படிப்பட்ட சூழ்நிலையை உருவாக்கும் என்று நீங்கள் கேள்விப்பட்டதையும் இதையும் இணைத்துக் குழப்பிக்கொள்ளக் கூடாது.

கணவன் மனைவிக்குள் தான் இந்த வேற்றுமையை நான் அதிகம் பார்த்திருக்கிறேன். திருமணம் ஆன புதிதில் அவர்களுக்குள் இருக்கும் அன்னியோன்னியத்தை விவரிக்க ரேஷன் கடையில் நிற்கும் க்யூவின் அளவுக்குக் கையை விரிக்க வேண்டும். காதல் மயக்கத்தில் அநியாயத்துக்குக் கற்பனைக் குதிரையை அவிழ்த்து விடுவர். எதிர்காலத்தைப் பற்றி மிகப் பெரிய எதிர்பார்ப்பு இருவருக்குள்ளும் ஏற்பட்டு விடும். “உன் முகத்தையே என் ஆயுளின் கடைசி நிமிடம் வரை பார்த்துக்கொண்டிருக்க வேண்டும்” என்று பெருமையாக இருவரும் கூறிக்கொள்வர். இதெல்லாம் உண்மையிலேயே கடைசி வரை இருந்தால் வாழ்க்கை சொர்க்கமாக அல்லவா இருந்திருக்கும்! ஆனால் காலத்தின் கோலத்தில் மனிதரின் உண்மையான எதிர்பார்ப்புகள் மிகச் சிறியதாய் அமைந்துவிடுகின்றன. திருமணம் ஆகி 2 மாதங்கள் கழித்து அவர்கள் பேசிக்கொள்ளும் விதமே வேறு மாதிரி இருக்கிறது. மிக வேகமாக சலித்து விடுகிற உறவாகத் திருமண உறவு தான் இருக்கிறது. ஒரே முகத்தை மீண்டும் மீண்டும் பார்க்க இவர்களுக்கு ஏன் பிடிக்கவில்லை? தம்பதிகள் இருவரும் வாழ்க்கையை சுவாரசியமாக்கிக் கொள்ளாதது தான் காரணம். உடல் தேவைகள் முடிந்த பின்பு உள்ளத்துக்கான தேவை உருவாக வேண்டும். ஆனால் அதற்கு இடம் தராமல் ஒருவரை ஒருவர் ‘காதலிக்காமல்’ போவது தான் விரும்பத்தகாத விளைவுகளுக்குக் காரணம். கணவன் மனைவி என்றவுடன் ஏதோ ஜெயிலுக்குள் அடைத்தது போல் உணராமல் சின்னச் சின்னக் குறும்புகளும் விளையாட்டுக்களும் இருந்து கொண்டே இருக்க வேண்டும். ஒருவர் பேசுவதை இன்னொருவர் ரசிக்க வேண்டும். மனதளவில் இருவரும் எப்போதும் இளைஞர்கள் போல் உணர வேண்டும். காமத்தைத் தாண்டியது இல்லற வாழ்வு. தாண்டினால் தான் அறுபதாம் கல்யாணம் எல்லாம். இல்லையெனில் 25லேயே விவாகரத்து செய்துவிட்டுப் போகலாம். எதற்கு மாறி மாறித் திட்டிக்கொண்டு வெறுப்பு காட்டிக்கொண்டு ஒரு வாழ்க்கை?

திருமணமான என் நண்பர் ஒருவரின் வீட்டில் அவரது தாய் தந்தையையும் அவர்களோடு ஒன்றாக வைத்து வாழ முடிவு செய்து அழைத்து வந்தார். தாத்தா பாட்டியைப் பார்த்த பேரன் பேத்திக்கு அவ்வளவு குஷி அப்போது. புதுப் பலகாரம் தானே இனிக்கும்? நாளாக நாளாக அவர்கள் மீது இருந்த அன்பும் மரியாதையும் அக்குழந்தைகளுக்குக் குறைந்து கொண்டே வந்தது. தினமும் பார்ப்பதாலோ என்னவோ அவர்கள் மீது ஒரு சலிப்புத் தட்டியது. மரியாதை இல்லாமல் கூட பேசத் தொடங்கினர். அவர்களை ஏதோ வேண்டாத ஒரு பொருள் போல பார்க்கத் தொடங்கினர். இதை எல்லாம் பார்த்துக்கொண்டு பெரியவர்களுக்கு மனம் வலித்தாலும்.. என்ன செய்வது? முதுமை காரணமாக வேறு வழி இல்லாமல் பொறுத்துக் கொண்டிருந்தனர். மாதம் ஒருமுறை பார்க்கும்போது குழந்தைகளுக்கு இருந்த பாசம் ஏன் இப்போது இல்லை என யோசித்த நண்பர், தன் தாய் தந்தைக்குத் தனியாக ஒரு வீடு பார்த்து, வேண்டிய வசதிகள் செய்து கொடுத்து, வேலைக்கு ஆளும் வைத்துக் கொடுத்தார். பெரியவர்களை அருகில் வைத்து அவமானப்படுத்துவதற்கு இது எவ்வளவோ மேல் என்று தான் எனக்கும் தோன்றியது.

அன்பு தயாரிக்கும் தொழிற்சாலையான மனிதன் எந்த ஒரு சக மனிதரையும் பழசு, புதுசு, இது நம்மை விட்டு எங்கும் போகாது, இதற்கு நாம் தான் கதி என்று எண்ணிவிடாமல் நம் அன்பையும் காதலையும் புதுப்பித்துக் காட்டிக்கொண்டே இருந்தால் யாருடைய உறவும் நமக்கு சலித்துப் போகாது!


Relationships , Love , Family , Affection , Boring Relationship , Grandparents , Husband and Wife , Human Values , New Generation

காமம் இல்லாக் காதல்!


உலகமே அலைந்து கொண்டிருக்கும் ஒரு விஷயத்தை ‘வேண்டாம்’ என்று தலைப்பு வைத்திருக்கிறானே, ஒருவேளை எழுத்தாளனாக நற்பெயர் வாங்க நடிக்கிறானோ? என்ற உங்கள் மனக் கேள்வி புரிகிறது. வாழ்க்கையில் நடப்பவை அப்படியே பதிவு செய்யப்பட வேண்டும் என நினைப்பவன் நான். என் எழுத்துக்களும் அவ்வாறே அமைந்திருக்கும். ஓகே இப்போ விஷயத்துக்கு வருவோம். காதல் என்பது உலகின் அத்தனை தெய்வீகமும் அத்தனை உண்மைகளும் அத்தனை தூய்மைகளும் கலந்தது என்றே நம் சமூகமும் சினிமாக்களும் நமக்குப் பயிற்றுவித்திருக்கின்றன. அவ்வழியிலேயே மனவோட்டதைச் செலுத்தும் நாம் முக்கியத்துவத்தை எதற்குக் கொடுக்கிறோம் என்பது தான் மில்லியன் டாலர் கேள்வி.

வெளிநாட்டுக் காதல் கலாச்சாரத்தைக் கண்டபடி கேலி செய்யும் நாம் இன்று செய்து கொண்டிருப்பது மிகப் பெரிய கேலிக்கூத்து. இங்கு எதுவுமே தொடங்கும்போது பரிசுத்தத்தின் அடையாளமாகத் தொடங்குவதும் பின் போகப் போக ‘கழுதை தேய்ந்து கட்டெறும்பு’ ஆவதும் தான் வழக்கம்! அதே நிலை தான் காதலுக்கும். கலாச்சாரம் என்று எடுத்துக்கொண்டால் இந்தியக் கலாச்சாரத்தை அடித்துக்கொள்ள ஆளே இல்லை. அவ்வளவு அழகாக செதுக்கப்பட்டது. ஆனால் ‘ஏட்டுச் சுரைக்காய் கறிக்கு உதவாது’ என்பது போல் எழுதி வைப்பதால் மட்டுமே பெருமை வந்து விடாது. வாழ்ந்து காட்டுவதில் தான் பெருமை. இந்தியனுக்கு ஏற்படும் மிகப்பெரிய சிக்கலே, அவன் மீது அதிகமான கட்டுப்பாட்டுச் சுமைகள் விதிக்கப்பட்டு, அழுத்தம் தரப்பட்டு, ஒரு கைதியைப் போல் நடத்தப்படுவது தான். நல்லவனாக வாழும் ஒருவனின் மனம் கூடத் தவறை நோக்கிப் பயணிக்க இதுதான் காரணம்.

காதல் என்றால் இரு மனங்கள் சேர்வது என்று அவனுக்கு சொல்லப்படுகிறது, இரு உடல்கள் சேர்வது என்பது போலவே காட்டப்படுகிறது. எவ்வளவு பெரிய முரண்? அயல்நாடுகளில் ஒருவர் இன்னொருவருடன் பிடிக்கும்வரை வாழலாம் பின் பிரிந்து செல்லலாம் என்ற நடைமுறை உள்ளது. இதை நாம் விமர்சிக்காத கிண்டல் செய்யாத மேடைகளே கிடையாது. ஆனால் அங்கு அறிவித்துவிட்டுத் தவறு செய்கிறான் இங்கு திரை மறைவில் அவனை விட அதிகமாகத் தவறு செய்கிறான் என்று சொன்னால் நம்புவீர்களா? அதுதான் கசப்பான உண்மை. காமத்துக்கு அடிமையான இவன் அடிப்படைக் காதலுக்கான தத்துவத்தையே அதற்கேற்றபடி மாற்றி வைத்திருப்பது தான் வேதனை. ஒரு பெண்ணையோ ஆணையோ அடைய வேண்டும் என்றால் அதற்கான நுழைவுச் சீட்டாகப் பயன்படுத்தவே இன்று காதல் தேவைப்படுகிறது. தேர்வை எழுதி முடித்தபின் நுழைவுச் சீட்டு கிழிக்கப்படுவது போல் காதலும் தூக்கி எறியப்படுகிறது.

இதை என்னால் மாற்றவும் முடியாது, காதலை மீட்கவும் முடியாது. பின் எதைச் சாதிக்க இந்தக் கோவம்? தனக்குத் தோன்றும் தவறைச் செய்ய நினைக்கும் ஒருவன் அதற்கு ஒரு புனிதத்தின் சாயத்தைப் பூசி தப்பித்துக்கொள்ள நினைப்பதைத் தான் தவறு என்கிறேன். காம இச்சைகளுக்குக் காதலை பலியாக்கும் விஷமத்தன்மை வளர்ந்து வருகிறது. வெளிநாட்டுக் காதலையும் இன்றைய இந்தியக் காதலையும் ஒப்பிட்டுப் பார்க்கையில், என்னைப் பொறுத்தவரை, நான் நல்லவர்களின் தூதுவன் என சொல்லிக்கொண்டு திருடுபவனை விட நான் திருடன் தான் என ஒப்புக்கொண்டு திருடுபவன் தான் சிறந்தவன். இவனின் அடையாளம் தெரியும் என்பதால் தப்பித்துக்கொள்ள வழியுண்டு. அவன் கருப்பு ஆடு என்பதால் கண்டுபிடிப்பதே கடினம்.

இதற்காக இந்தியர்கள் அனைவரும் அயல்நாட்டுக் கலாச்சாரத்தைப் பின்பற்ற வேண்டும் எனக் கூறவில்லை நான். காதலிக்கிறேன் எனச் சொல்லி அப்பாவிகளிடம் விளையாடாமல் ‘இது Dating தான்’ எனச் சொல்லிவிட்டால் இந்தியாவின் நிஜக் கலாச்சாரத்தைப் பின் தொடர்பவர்களுக்கு எந்தத் தொந்தரவும் இருக்காதல்லவா!


Love , Youngsters , Modern Love , Youth , Dating , Romance , Relationship , True Love , Lovers