Tag Archives: Life

காதல்

சர்க்கரை கூட வாயிலிட்டால்தான் இனிக்கும்..

நினைத்தாலே இனித்துவிடும் காதலோர் அதிசயம்!

எங்கோ நமக்காக ஒருவர் பிறந்ததாய் நம்பிக்கை..

அந்த ஒருவரைத் தேடித் தொலைகிறது வாழ்க்கை. 

அன்பில்லாத மிருகத்தையே காட்ட இயலாதபோது..

காதலிக்காத மனிதனை எப்படிக் காட்டுவது?

அவளின் சிரிப்பிலும் காவியம் கண்டது அவன்தான்..

பெண் ஒருத்தி துணையாய் நின்றுவிட்டால்..

விண்ணை ஆண் அடைய நொடியொன்று போதும்!

தவறென்றால் தானாய் உணர்ந்து திருந்தட்டும்..

காதலை எதிர்க்காதே காதலர்களைத் தடுக்காதே..

நீ வாழ மூச்சை விட முக்கியமானது காதல்!

Advertisements

கடவுள்

இருக்கிறாரா இல்லையா என்பதே உறுதியில்லை..​

ஆனாலும் கோடிக்கணக்கில் பக்தர்கள்.. அதிசயம் தான்!

உலகின் வியத்தகு விஷயங்களில் முதலிடம் இவருக்கு.

படைத்தவன் என்கிறார்கள் பலவும் கற்றவர்கள்..

அப்படியெனில் படைத்ததே அவனின் முதற்குற்றம்!

படைக்காமல் விட்டிருந்தால் பஞ்சமேது பசியேது?

உணர்வளிக்காமல் விட்டிருந்தால் இதயங்களுக்கு ஏமாற்றமேது?

நன்றிகளை விட குட்டுக்களே இவரதிகம் பெற்றது!

அனைத்தையும் வாங்கிக் கொள்வார்.. தாங்கிக் கொள்வார்.

ஆனாலும் திருந்தியதாய்த் தெரியவில்லை.

பெற்ற நன்மைகளுக்காக வாழ்த்தினாயா என்றால்…

இல்லை! 90 சதவிகிதத்துக்காக எழுதுபவன் நான்.